Posted in غير مصنف

تخصص الطب و الجراحة

خلصت سنة تانية طب الحمدلله و دي الحاجات اللي أتعلمتها خلال سنة كاملة 

حابة أنقلها لكم ، ممكن تختصر عليكم بعض الأشياء و تفيدكم 

 

– أول شيء ابحثي عن الدافع 

الدافع اللي يخليكِ تذاكري بصورة دورية و تعطي أحسن ماعندك 

بالنسبة ليَ الترم التاني اختلف عن الترم الأول تماما 

مو بس في الدرجات حتى في تحصيلي 

وقدرتي على ربط المواضيع 

 لإني وجدت دافع و هدف 

 عملت لوحة صغيرة علقتها على مكتبي و كتبت فيها حاجات حقيقة تلهمني مو كلام إيجابي نسخته من النت 

* دافعي و اللي بسببه الترم التاني كنت أراجع طوال الوقت حتى في الأيام اللي أكون محددة إنها إجازة( و من طيب نفس و حماس مو خوف و قلق) 

هو إنه 

أبغا أكون طبيبة نابغة و فاهمة 

أبغا لمن المريض يخرج من عندي ، يخرج وهو فاهم حالته 

كنت باذاكر لديك اللحظة 

للحظة اللي أقابل فيها المريض 

و ما أبغا أكون طبيبة غبية أبدا أبدا 
* من الأشياء اللي علقتها في اللوحة 

أعلم ما أريد أن أكون ، و على أي منصات الحياة سأقف ، ما أبتغيه يحتاج جهدا كبير 

و سأبذله لأصل 
– حأتكلم عن طريقتي للمذاكرة و بعض النصايح اللي أتمنى تفيدكم 

_ أول شي : لاتقارن أدائك بأدأء غيرك 

لا تطالع في فلان اللي حفظه سريع أو فهمه سريع 

اللي يهم إنك تكتشف كيف عقلك إنت يحفظ و يفهم المعلومة 

إذا هو حفظه سريع فإنت همتك كبيرة و بإمكانك تبذل جهد كبير و تحصل على نتيجة ترضيك 
_ أتعلم من خبرات غيرك لكن لا تنسخ

مو عشان فلان قلك دي المادة قراءة أو دي تحتاج خرائط فتضغط على نفسك و تستخدم طريقته   
_ خليك واقعي و خطط للمذاكرة 

أفضل طريقة بالنسبالي كانت إنه أحدد

• مواد أذاكرها بعد المحاضرة في نفس اليوم 

• مواد أقرأها بعد المحاضرة و في الويكند أركز عليها

• و مواد أذاكرها في الويكند 

مثلا 

* كنت أحاول إنه الأناتومي أذاكره فيومه و أرسم الرسمات و أفهم الأمراض و ألخص المحاضرة 

و الفسيولوجي كمان 

 البايو كيمستري كنت أقرأ المحاضرة عشان أقدر أفهم المحاضرة اللي بعدها و أحاول في الويكند أذاكرها مزبوط 

الإيمبريولوجي كنت أذاكره ويكند 
_ حدد أهميتك 

صح كل المواد مهمة لكن بالنسبالي حددت أولوية لنفسي إنه دي المادة حتى لو ايش حاذاكرها 

و بالفعل أهم مادة بالنسبالي أخدت فيها أعلى درجة 

و كانت الأناتومي 
_ خليك مرتاح مع نفسك 

ممكن يمر عليك يوم في الأسبوع أو يوم كل أسبوعين ما يكون لك خاطر تذاكر 

عادي جدا 
_ أنا ما أحفظ بالقراءة أحتاج أكتب عشان أفهم 

واتعلمت كيف كل موضوع يتذاكر 

• بعض المواضيع يبغالها خريطة مفاهيم مفصلة و بعضها مصغرة 

• بعض المواضيع تتقسم على هيئة سؤال و جواب 

• بعضها رسومات 

• بعضها فلاش كاردز 

صح ياخد مني وقت طويل 

لكن مايهم الأهم إني أستوعب المعلومة و تقعد في عقلي لفترة أطول

كنت أشوف بعض صحباتي يحفظوا أسرع مني بس زي ما قلت أول مو مهم 

المهم إنك تستثمر وقتك في نفسك و لا تطالع في غيرك  

_ أسأل اللي أكبر منك 

أسأل اللي أكبر منك 

أسأل اللي أكبر منك 

مرة مهم ، إذا نفس الدكتور هو اللي درسهم إنك تستفسر عن طريقة أسئلة الدكتور 
_ من أهم الأشياء اللي فرقت في تحصيلي هما الأصحاب 

أفتكر بداية الترم الأول كانت المعلومات كتيرة و جديدة و ماعرفت كيف أذاكر 

و كنت أروح أقول لمجموعة البنات اللي كنت مصاحبتهم 

كانوا يقولوا عادي ، كلنا مو فاهمين ، أصلا صعب ، أصلا الدكتورة ماتفهم ، عادي ناخد ملخصات من الخصوصي 

فكنت أحس إنه كل الناس زيي و أتكاسل إني أبذل جهد 

اتصاحبت مع بنات تانين ، جلستهم تبسط لكنهم كمان كانوا مهتمين في الدراسة 

دائما يسألوا بعض ها ايش ذاكرتي ؟ 

فهمتي الموضوع دا ؟ ممكن تفهميني هو 

و يتناقشوا أحيانا في الأمراض

و فرق الموضوع نفسيا و تحصيليا 
_ اليوتيوب صديقي 

أي مرض أو مفهوم درسته و مافهمته كويس 

قبل لا أفتح الكتاب أو السلايدات 

أفتح اليوتيوب و أتفرج عليه 

أحاول إنه يكون الفيديو مختصر و أنيمشن (كارتون) عشان يثبت أكتر و يعطيني الفكرة الرئيسية 

و بعدين أفهم من الكتاب أو السلايدات  
_بالنسبة للمواد العملي 

أفضل طريقة كانت هي التصوير 

كنا نصور التجارب و الخطوات و النتايج فيديو و سهّل علينا الإختبار النهائي 

• الأناتومي العملي 

وقت المحاضرة أكتب الأشياء اللي المفروض أعرفها في الجثة ، و بعد ما تخلص المحاضرة

بنفسي أصور اللي أخدناه فيديو بأسلوبي 
– أخر شي 

في رحلتك دي تحتاجي عون و مدد 

خديها من الله 

دائما ادعي إنه يفهمك و يفقهك 

أسأليه يمدك بالهمة و العزيمة عشان تذاكري 

أسأليه أعلى درجات الفهم و الحفظ

ادعي إنه كل ما تزدادي علم ، تزدادي تواضع و رحمة ..

خلي عندك وقت بينك و بين الله 

تشحني روحك و همتك 

رددي فيله ( لاحول و لا قوة إلا بالله ) 

استغفري 

اقرأي القرآن و كأنه منزل عشانك و مفصل ليكِ و إنه الآيات بتخاطبك إنت و بتخاطب تساؤلاتك 
– هادي قنوات يوتيوب أحب أتابعها لطلاب طب 

بعضهم اتخرجوا و بعضهم مازالوا بيدرسوا 

•thestrivetofit

•andrea tooley

•DocOssareh 
– هادي قناة لطالب يتكلم فيها عن طرق الإستذكار 
•thomas frank
– بدور✨.

Advertisements

الكاتب:

"جبلنا على العطاء لا الأخذ, وخلقنا لنؤجر لا ننتظر"

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s