Posted in ثاني تغذية -الترم الثاني

التغذية و أنسجة الجسم والأمراض | Anatomy 

بدايةً المادة مكوّنة من جزئين نظري و عملي و الجميل انه الدكتور نفسو يدرّسكم العملي والنظري فمرة حيسهل عليكم

الدكتور الرهيب جداً د.ناصر الصاوي

حقيقي يضيع الكلام واحنا نحاول نقلكم كيف د.ناصر رهيب

ماشالله شرحو پيرفكت والمحاضرات ممتعة جداً

المادة تتكلم عن جسم الانسان كلو بطريقة التشريح بدايةً عن العظام والعضلات والمفاصل في الجسم بعدين حتبداو تاخدو اجهزة الجسم واحد واحد وكل واحد ايش فيه وكدا ، ممتع جداً 😍

وبرضو نفس الفسيولوجي في تخصصنا مو مرة متعمقين في الاناتومي زي باقي الاقسام فمرة استمتعنا بالمعلومات البسيطة اللطيفة ( دا مايعني انكم تتهاونو فيه بس مايعتبر صعب ☝🏾)

والجميل في د.ناصر انه كل مايشرح فقرة يقلكم اكتبو عند هذي الفقرة نوع الأسئلة اللي تجي عليها مثلاً : MCQ ولا Short assay

وبكدا حتسهل عليكم المذاكرة بطريقة عجيبة لانكم عارفين كل شي كيف يتذاكر 📝

بس في نقطة ! حاولوا تكونو متعاونين ومتفقين على مواعيد المحاضرات عشان مايزعل ولا تخرجو من محاضراتو كتير لانو يزعل برضو

وكمان الدكتور ماشالله مرة مُنصف في كل شي ، الاسئلة التصحيح الدرجات كل شي ✋🏾

والجزء العملي هوا حيكلمكم عنو ويشرحلكم بعد كل محاضرة العملي حقها ( لمن تاخدو معاه حتفهمو اكتر )
الاختبار العملي اختبرنا نصفي ونهائي وكانت سهلة الحمدلله ، بس كان يجيب واحد سؤال عميق شوية عشان يفرّق اللي ذاكرت عن اللي ماذاكرت ✋🏾
بالنسبة ليا – وأتوقع لأغلب الدفعة – ماكان نفسي نخلص الاناتومي من كتر المتعة ومن كتر ما الدكتور طيب معانا 💛

Advertisements

الكاتب:

"جبلنا على العطاء لا الأخذ, وخلقنا لنؤجر لا ننتظر"

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s