Posted in ثاني تغذية -الترم الأول

التغذية ووظائف جسم الإنسان | physiology 

أكيد درستو المادة دي في التحضيري ، بس الفرق الجميل هنا انو دكتور واحد اللي كان يدرسنا فبالتالي نقدر نستوعب المنهج كويس من غير تشتيت ، وحتى الاختبارات تكون واضحة

خلينا نتكلم عن جزئية النظري ، درّسنا د.إرشاد ( هندي ) عن طريق الشبكة

الدكتور طيّب طيّب مرة ومتعاون بطريقة ماتتخيلوها ، محا أتكلم عن طريقة شرحو عشان لا تكوّنو فكرة معينة في راسكم 🌚 ، بس ضروري أول ما تاخدو المحاضرة تترجمو أي حاجة مافهمتوها وتذاكرو أول بأول ( حتستفيدوا من دا الشي في أيام الفاينل بإنكم تكونو فاهمين كل شي فمحاتطولو في المذاكرة إن شاء الله )

الفسيولوجي بالنسبالي مادة ممتعة وعندنا في التغذية مو متعمقين فيها زي باقي الأقسام فمرة سهلة وممتعة وأغلب المواضيع نفس حقت التحضيري بس بتوسّع شويّة .

وصح أسئلة د.إرشاد مرة تنحب ويساعدكم كثير 🙌🏾💗
أما بالنسبة للجزء العملي درّستنا أ. مصباح الغامدي

لطيفة مرة ومحاضراتها قصيرة وممتعة

بس أسئلتها من النوع اللي يبغالها تركيز مرة

هي طيبة فكونوا طيبين معاها عشان ماتقلب عليكم

محتوى المادة مشابه شوية لمحتوى النظري

اختبرتنا كويز واحد وفاينل نظري

ماكان عندنا تجارب عملية أبداً فمافي اختبار عملي .
💭

بالنسبة للفسيولوجي ، لو أي حاجة صعبت عليكم اكتبو موضوعها في اليوتيوب وحتلاقو فيديوهات كثيرة تشرح لكم وتفهمكم

أو أدخلو القنوات دي :

– Khanacademymedicine

– Armando hasudungan

Advertisements

الكاتب:

"جبلنا على العطاء لا الأخذ, وخلقنا لنؤجر لا ننتظر"

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s